Cəmiyyət artıq smart prefiksinə alışıb. Smartfonlar, smart-TV və çoxdandır texnoloji yeniliklərlə assosiasiya olunan hər şey.

Smart plyonka da qısa müddətdə həyatın bir çox sahələrində tətbiqini tapacaq texnoloji bir həlldir. Bu material şəffaflığı tənzimlənə bilən, həmçinin video materiallar göstərə biləcək - arxa proyeksiya ekranı kimi istifadə olunacaq, özü yapışan bir rəqəmsal plyonkadır.

Bu "möcüzə-material" üçün çox böyük sayda tətbiq sahəsi var. Smart-plyonka intensivliyi bir kliklə dəyişə biləcəyiniz - avtomobil şüşələrinə ağıllı ton verilməsindən başlayaraq, şüşələri, güzgüləri, pəncərələri məlumat ötürmək üçün bir ekran kimi istifadə olunmasına qədər tədbiq oluna bilər.

Adicə mağazanın vitrininə yapışdırılmış smart-plyonka lazım olduqda reklam video materiallarını nümayiş etdirə bilər və lazım olmadıqda isə - sadəcə tozdan və işığdan effektiv qoruyucu ola bilər.