Təmaslı zoopark insanlar üçün təhlükə yaratmayan müxtəlif növ ev və ekzotik heyvanların olduğu heyvanxana ilə təchiz edilmiş 220 kvadrat metrlik qapalı ayrıca bir sahədir.
Klassik zooparklardan fərqli olaraq, Təmaslı zooparkda ziyarətçilərə heyvanlara toxunmağa, yemlənməsinə və əzizlənməsinə icazə verilicəkdir. Bundan əlavə, formatına görə zooparkı ilin istənilən vaxtında ziyarət etmək mümkün olacaqdır. Zooparkın əsas hədəf auditoriyası məktəbəqədər və məktəbli uşaqlar və onların valideynləri olacaqdır.
Təmaslı zooparkının ərazisində aşağıdakı növ xidmətləri göstərmək mümkün olacaq:
- Təmaslı zooparka fərdi ziyarət;
- Təmaslı zooparka qrup ilə ziyarət;
- Uşaq şənliklərinin və tədbirlərinin təşkili.
Yuxarıda göstərilən xidmətlərdən əlavə olaraq təmaslı zooparkın ərazisində suvenir və zooparkın heyvanları üçün yem satışını təşkil etmək olar. Həmçinin hər ay 2-3 pulsuz tədbirlər, tematik axşamlar, heyvanlara qulluq mövzusunda mühazirələr, bayramlar və master-klasslar və s. təşkil edə bilərsiniz.